"فاكر" النشيد الثاني للمعادلة

فاكر يوم ما سهرنا نذاكر؟
يوم ما حلفنا نفوز في الآخر؟
يوم ما تعبنا.. يوم ما زهقنا؟
يوم ما صرخت: "خلاص مش قادر" ؟

لما حرمتَ النوم من أوضتك
لما طردت كسل من عندك
أهو جه يوم علشان تتأكد
ربنا مش هيسيبك وحدك

فاكر لما صحينا نصلي
"لما الفجر يأذنْ قل لي"
لما دعيت و الدمعة في عينكْ
"ربنا وفَّق علشان أهلي"

قبل ما أسيبك سيبني أتأمل
نفسي أقول لك كلمة الأول
عز الإسلام، فخره، بإيدك
زي بدايتك، اعلا و كمِّلْ

دي معادلتنا الغالية علينا
طول عمرها بتفكر فينا
شالت محنة و أمّا فرحنا
كانت أول فرحان لينا

مش هنضيّع ثانية في يومنا
مش "هنفارق"، و دي قوانينّا
نحلم؟ أيوه، و حلمنا عالي
بعد الحلم، تلاقي يقيننّا

تيجوا نبارك؟ تيجوا نهنّي؟
دايما، لليوم دا انا مستنِّي
أصلك طول السنة بتجاهد
حقك تفرح يا بني، و غني:

يامعادلتنا يا غالية علينا
طول عمرك بتفكرى فينا
جمعتينا .. وعلمتينا
حبك دايما مالى عينينا

دي معادلتنا الغالية علينا
طول عمرها بتفكر فينا
لمّا بندرس ، بتشجّعنا = و في أجازتنا أهي بترجّعنا
تفضل ماسكة في بعض ايدينا
دي معادلتنا الغالية علينا
طول عمرها بتفكر فينا
شالت محنة
و أمّا فرحنا
كانت أول فرحان لينا
--------------

احنا هنمشي، بس طريقنا
ثابت، و عليه كل فريقنا
للإسلام.. لله.. للأمة
دي مذاكرتنا، و ده توفيقنا